影片
更多
2023-04-15
36 浏览
最近食得太多肥膩野想食返啲健康食物，即刻諗起好耐無食過既「PokéToké」，餐廳主打健康嘅夏威夷蓋飯，飯底、配料都可以自由配搭，款式種類多變，今次就決定拉埋未食過嘅朋友一齊食。餐廳環境唔算太大，一直keep住都有人排隊，好受歡迎。同上次到訪一樣，餐廳唔需要收加一，抵丫～<嘻蝦波奇> $98叫咗個以蝦為主嘅bowl，飯底為壽司飯加沙律菜。配料有虎蝦仁、中華沙律、車厘茄、枝豆，再加紫菜絲、木魚絲、黑白芝麻，醬汁喺柚子沙律醬。虎蝦仁有五、六隻，口感尚算彈牙；中華沙律清甜爽脆，味道突出，所以醬汁都唔需要點落已經夠味。<自選poke bowl > $152友人同樣揀咗壽司飯加沙律菜，不過配料揀咗自選，有帆立貝、三文魚籽、雜錦香菇、豆腐、秋葵，再加上紫菜絲、木魚絲、炸蒜。醬汁揀咗山葵蛋黃醬，配搭比較清淡，而山葵蛋黃醬偏酸，正好可以突出食材既新鮮口感。<牛油果奶昔> $40牛油果奶昔味道香滑濃厚，奶味重但唔會太甜，值得一試。
餐廳環境唔算太大，一直keep住都有人排隊，好受歡迎。同上次到訪一樣，餐廳唔需要收加一，抵丫～
<嘻蝦波奇> $98
叫咗個以蝦為主嘅bowl，飯底為壽司飯加沙律菜。配料有虎蝦仁、中華沙律、車厘茄、枝豆，再加紫菜絲、木魚絲、黑白芝麻，醬汁喺柚子沙律醬。虎蝦仁有五、六隻，口感尚算彈牙；中華沙律清甜爽脆，味道突出，所以醬汁都唔需要點落已經夠味。
<自選poke bowl > $152
友人同樣揀咗壽司飯加沙律菜，不過配料揀咗自選，有帆立貝、三文魚籽、雜錦香菇、豆腐、秋葵，再加上紫菜絲、木魚絲、炸蒜。醬汁揀咗山葵蛋黃醬，配搭比較清淡，而山葵蛋黃醬偏酸，正好可以突出食材既新鮮口感。
<牛油果奶昔> $40
牛油果奶昔味道香滑濃厚，奶味重但唔會太甜，值得一試。
张贴
