川莊 (已搬遷) 新店位置

本身就係個非常鍾意食川菜嘅兵仔，今次就嚟到朗豪坊試呢間高樓層嘅川菜！揀咗好耐到底食水煮魚定酸菜魚，我諗好多人都會一樣有呢個困難，簡直就係一個甜蜜嘅煩惱。今次就試咗酸菜魚，而且揀咗店員推介嘅桂花魚，每一舊魚都大大嚿，而且非常嫩滑，酸度辣到都恰到好處，而且唔會有骨雖然入邊已經有唔少薯粉，不過大家都係可以加自己鍾意嘅配料落去，我就加咗牛肩肉，真係大魚大肉啦！大大碗兩至三個人食都好夠，另外仲叫咗杯沙冰，fresh嘅感覺加上重口味嘅酸菜魚，就可以有一個解膩嘅作用喇