⭐️紅燒牛肉麵係我至愛，個湯底飲得出係落足心機熬，味道清甜又有層次，飲完唔會口乾。啲牛肉炆到好淋好入味，揀咗關廟粗麵，煙煙韌韌又掛到湯，每啖都係滿足。
⭐️麻辣牛肉麵都幾有驚喜，佢唔係得個死辣，而係麻香同辣味慢慢滲出嚟，食完成個身暖笠笠。轉咗新竹米粉，索湯真係一流，滑溜得嚢又夠彈牙，同濃味湯底出奇地夾。
呢間餐廳有樣特別之處，牛肉可以揀片切或者角切。可以跟返自己嘅喜好揀！值得一讚👍🏻👍🏻👍🏻
片切 ：肉質比例比較多
角切：因為比部分較多
⭐️炸雞排絕對係水準之上，外皮脆卜卜，入面啲肉依然保持到肉汁，食落唔會乾爭爭。我仲落咗鹽酥雞粉，仲正！
⭐️台式炸大腸就更加係驚喜，炸得香脆到不得了，完全冇異味，唔點野就咁食都一樣咁惹味。
飲品我叫咗粒粒白桃四季春，清甜嘅白桃味加上真實果肉，解渴又解膩。朋友杯桂花烏龍都唔輸蝕，桂花清香同烏龍茶嘅甘醇融合得啱啱好，飲完個喉嚨好舒服。
整體嚟講，由主食到小食再到飲品，樣樣都整得夠認真。係嗰種食完之後，會令人
想再去既感覺！
另外調味料都可以買返屋企，仲有其他醃製小菜，喺屋企都可以食到嘅台灣味道！
