今日同朋友七點幾行過，見到冇乜人排隊，於是就去試下
一入到去，佢就會俾份menu 你，同你講邊啲今日已經賣晒 ，海鮮時價係幾多。呢份貼心好好！
聽聞呢度最出名係撈芝士麵！當然就要試下！
我地就叫左個創意蒜蓉芝士撈丁
成碗都係芝士同蒜蓉，鍾意食蒜蓉嘅人，一定要叫 ！不過我建議至少兩個人以上先好叫一碗，因為啲芝士會令你食到好滯，食唔落其他嘢就好可惜啦
另外食串燒點可以唔叫燒茄子，又係勁多蒜蓉喺上面，每一啖茄子都會有熟蒜蓉，味道剛剛好！
另外我仲同朋友都叫咗好多不同類型嘅串燒，但不得不提嘅就係佢嘅燒牛舌，牛舌又厚又大塊，燒到一啲都唔乾
燒蠔算大粒，好甜
點咗太多串燒，兩個人食到滿載而歸
另外呢度都有好多唔同嘅手工啤酒，不過我地今次就冇點到，下次嚟到一定會試吓
