影片
更多
2023-09-12
42 浏览
前排好興食一串串嘅麻辣小食，逐串逐串叫份量又少唔抵食。聽講旺角有間串串嘅放題 都幾多人食，今日就去試吓佢😆餐廳除咗有放題形式選擇外都有二人套餐選擇，啱晒小鳥胃嘅朋友放題係120分鐘任食，價錢係$208一位串串食物都幾多選擇，淨係牛肉都有三款種類，豬，雞，丸，菜都有，仲有小食，麵同甜品 太肚餓乜都叫晒就無錯😋先嗌咗小食邊食邊等，小食份量細細碟可以留返啲位置食串串 幾好👍🏻 麻辣豬紅煮得好入味，愛紅人士必定叫🤭 棒棒雞都推薦，啖啖雞肉，仲有藤椒雞軟骨，食到麻麻哋幾特別。其他小食都正常到咗主角串串鍋，叫咗中辣，都唔會好辣。佢哋係廚房煮好晒再攞盤麻辣湯浸住上比你，好方便唔洗自己落手煮🤪牛肉都啖啖肉 唔係薄cheapcheap好肥好多筋嘅肉敷衍吓人，泡椒牛肉應該仔係肥牛包住隻泡椒仔，唔錯🌶️ 啲薯仔蓮藕都大大舊 咬得幾爽，單骨雞翼好入味，最特別係成都小香腸竟然係迷利臘腸叫咗無糖蜜桃烏龍同菊茶普洱，茶味都濃，幾好飲，私心菊花普洱 。食咗2-3round 飽到麵都慳返 直接跳食甜品，整咗碗成都老冰粉，表面有啲芝麻、提子乾、山楂（我估）食食吓又幾開胃..有啲想叫多碗雖然有啲甜但都可以接受。整體：放題嚟講
前排好興食一串串嘅麻辣小食，逐串逐串叫份量又少唔抵食。聽講旺角有間串串嘅放題 都幾多人食，今日就去試吓佢😆
餐廳除咗有放題形式選擇外都有二人套餐選擇，啱晒小鳥胃嘅朋友
放題係120分鐘任食，價錢係$208一位
串串食物都幾多選擇，淨係牛肉都有三款種類，豬，雞，丸，菜都有，仲有小食，麵同甜品 太肚餓乜都叫晒就無錯😋
先嗌咗小食邊食邊等，小食份量細細碟可以留返啲位置食串串 幾好👍🏻 麻辣豬紅煮得好入味，愛紅人士必定叫🤭 棒棒雞都推薦，啖啖雞肉，仲有藤椒雞軟骨，食到麻麻哋幾特別。其他小食都正常
到咗主角串串鍋，叫咗中辣，都唔會好辣。佢哋係廚房煮好晒再攞盤麻辣湯浸住上比你，好方便唔洗自己落手煮🤪牛肉都啖啖肉 唔係薄cheapcheap好肥好多筋嘅肉敷衍吓人，泡椒牛肉應該仔係肥牛包住隻泡椒仔，唔錯🌶️ 啲薯仔蓮藕都大大舊 咬得幾爽，單骨雞翼好入味，最特別係成都小香腸竟然係迷利臘腸
叫咗無糖蜜桃烏龍同菊茶普洱，茶味都濃，幾好飲，私心菊花普洱 。
食咗2-3round 飽到麵都慳返 直接跳食甜品，整咗碗成都老冰粉，表面有啲芝麻、提子乾、山楂（我估）食食吓又幾開胃..有啲想叫多碗
雖然有啲甜但都可以接受。
整體：放題嚟講食物質素唔錯，食物好入味，店員好好清碟都快，一班朋友想吹下水飲酒食辣嘢係唔錯👍🏻
张贴
