神輿日本料理 (已結業)

今次嚟呢度食係因為有朋友生日，大家搵個中間點就決定食旺角，嚟得食放題打邊爐之類嘅任食，梗係唔少得創興喇，就試下呢間放題價錢係放題嚟講都算合理～刺身都有大眾最鐘意嘅三文魚、吞拿魚、帶子、蝦等，但就無我鐘意嘅希靈魚喇。蝦刺身都好大隻，而且都幾有鮮味。壽司嘅選擇都ok，比其他放題好嘅就係佢有海膽壽司㨂，出面嘅放題通常有海膽嘅都只係有海膽手卷選擇，但嚟放題食手卷就實在太飽喇，好在呢度就唔洗。小食就有返中華沙律、螺肉等等。芝士系列嘅焗蠔、焗蝦等。放題嚟講味道價錢等都算正路，但就都會隔唔中出面其他放題都經常發生嘅漏單情況，另外，飲品選擇唔算太多，汽水只得平時主要幾隻嘅汽水揀。