八鍋堂．中日火鍋專門店 (已結業)

今日同朋友去旺角，選了近油麻地站的八鍋堂食中日式放題，又可打邊爐又可任點日式食品，有好多選擇，魚生，壽司，燒物等。安排在窗口卡位，還送上豬骨湯一壺，先叫第一輪刺生魚生，最愛厚厚的三文魚同虎蝦，還叫了甜蝦，點完店員都好快送上。到壽司出場，最愛炙燒左口魚，還有海膽蝦壽司，中式包括打邊爐，湯底加錢要4格湯底 ，揀了蕃茄湯、沙爹湯、人蔘雞湯同重慶麻辣湯(中辣) ，個個湯都足料！最cute係個高湯以狗仔形狀做倒模，變成影相位。滾起，隨上美國牛小排同美國肥牛都好新鮮 ，切至薄薄的， 食落肉質嫩滑 。自助火鍋配料區 好多選擇！取了魚腐、午餐肉、魚皮，各種丸。海鮮都可剔，選擇都幾多，有中蝦、帶子、蟶子、魚滑，蜆，中蝦新鮮彈牙，再來燒物，叫了照燒汁燒帶子貝、鹽燒大虎蝦、蠔、 汁燒秋葵同埋燒雞翼， 仲有鹽燒鯖魚，好正！大蝦至正，好大隻。炸物方面，叫了炸蝦天婦羅。即叫即炸，新鮮熱辣！每人都係二百幾蚊，抵食喎。