燒肉 DON DON

营业中

休息中

🥓星期六約左朋友去旺角食晚飯，響女人街行咗圈，見到有間一人燒肉店，時間又早，入面又冇乜人，我哋就入咗去搵位坐。🥓我叫咗個牛五花&豬五花200g套餐；朋友叫咗個DonDon 250g套餐，有三款肉，有牛肩肉、牛五花、牛舌。套餐包咗和風湯、飯同泡菜或者沙律。🥓牛五花同豬五花肉都係一般般，要試就建議貴少少試牛肩肉。每片肉都切得幾平均唔會太厚，燒落都好快熟。🥓餐枱上仲有幾款醬同調味，可以任試，試過蒜鹽味都幾正。🥓餐廳係用QR code 落單，係方便既；枱同枱之間都闊落，但油煙就少不免。