影片
更多
2022-06-12
170 浏览
旺角雖然食肆好多，但係要喺呢區搵一間坐得舒服又冇限時嘅餐廳，又真係有啲難度😆。近期去旺角行街，又畀我發現咗一間好嘢🤩。 呢間Lab Eat Bistro 係喺旺角豉油街嘅一間西餐廳，樓高三層，所以好容易發現👀，一入到去要上一層，二樓同埋三樓就係用餐區。成間餐廳係以黑色同埋啡色磚墻為主，亦都有型格吧枱，每張檯隔得好開而且燈光比較暗，所以坐喺度都好有情調，好適合朋友聚會或者係慶祝紀念日🥰。 一坐低店員就埋嚟介紹佢哋嘅招牌菜同特色飲品，表現熱情有禮。 餐廳向街部分有特大玻璃窗，所以我就揀咗坐喺餐廳嘅窗邊位，望出去特別有feel😚。 ❤ Tropical Sunshine 熱帶陽光呢杯cocktail有熱情果同埋菠蘿汁🍹，所以飲落非常之順口，感覺好香甜，好適合夏天飲。 ❤ Yuzu Blossom 柚子盛放就好似個名一樣，有濃濃嘅柚子味之外，由於加咗 gin，所以飲落酒味都比第一杯濃好多。 ❤ 鵝肝二重奏二重奏係包括鵝肝燉蛋同埋香煎鵝肝多士。 加咗鵝肝嘅燉蛋冇一般燉蛋咁甜，而且質感比較厚實。如果將鵝肝燉蛋搽喺脆麵包上面食，會更加好味😋。 另外香煎鵝肝多士都幾大舊，上面嘅鵝肝係厚厚一塊而且非常之
呢間Lab Eat Bistro 係喺旺角豉油街嘅一間西餐廳，樓高三層，所以好容易發現👀，一入到去要上一層，二樓同埋三樓就係用餐區。成間餐廳係以黑色同埋啡色磚墻為主，亦都有型格吧枱，每張檯隔得好開而且燈光比較暗，所以坐喺度都好有情調，好適合朋友聚會或者係慶祝紀念日🥰。
一坐低店員就埋嚟介紹佢哋嘅招牌菜同特色飲品，表現熱情有禮。 餐廳向街部分有特大玻璃窗，所以我就揀咗坐喺餐廳嘅窗邊位，望出去特別有feel😚。
❤ Tropical Sunshine 熱帶陽光
呢杯cocktail有熱情果同埋菠蘿汁🍹，所以飲落非常之順口，感覺好香甜，好適合夏天飲。
❤ Yuzu Blossom 柚子盛放
就好似個名一樣，有濃濃嘅柚子味之外，由於加咗 gin，所以飲落酒味都比第一杯濃好多。
❤ 鵝肝二重奏
二重奏係包括鵝肝燉蛋同埋香煎鵝肝多士。 加咗鵝肝嘅燉蛋冇一般燉蛋咁甜，而且質感比較厚實。如果將鵝肝燉蛋搽喺脆麵包上面食，會更加好味😋。 另外香煎鵝肝多士都幾大舊，上面嘅鵝肝係厚厚一塊而且非常之肥美，係預期中嘅美味👍。
❤ 香煎法式羊架
呢度嘅係羊架可以揀生熟度嘅，我哋就揀咗七成 熟。 羊架表面鋪咗好多香草，所以食落係特別開胃，而且羊架嘅肉質亦都係比較腍， 煎完之後可以做到外脆內軟嘅感覺，亦都能夠鎖住羊架嘅肉汁😍。另外，藜麥沙律亦都係比較特別嘅一款配菜，又健康又有口感😜。
❤ 頂級牛腰扒
見到好多人都話呢度牛扒好好味，所以我都嗌黎試一試。 揀咗五成熟嘅牛腰扒，肉質軟腍，而且牛肉味比較濃😋。醬汁方面就揀咗煙燻海鹽同香草牛油，正好提升咗牛扒香烤嘅味道。 另外要讚一讚餐廳廚師處理牛扒嘅功力 ，因為喺好多其他地方嗌咗五成熟嘅牛扒，最終出嚟都會係過生或者過熟，而呢度嘅牛扒生熟度就拿捏得啱啱好👍。
❤ 松露薯條
好鍾意呢度嘅黑松露薯條，薯條係french fries，即係幼條嗰隻，鹹度啱啱好，而且炸完之後好脆但唔會太油膩，本身已經有松露嘅味道，再加上松露醬，簡直係冇得彈🥰。
张贴
