八鍋堂．中日火鍋專門店 (已結業)

近日運動量多, 特別想放縱大吃, 今日決定來一餐午市火鍋放題。 四色湯底係呢間火鍋店嘅一大特色, 唔駛就呢個怕辣果個怕味濃, 每人都可以揀自己最鐘意嘅一款。我地揀左咗圓川麻辣, 水果, 蕃茄同人參雞湯四款。 麻辣湯底加入大量芽菜同芫荽, 辣中麻勁十足, 嗜辣者必試。水果湯加入橙, 菠蘿等, 味道輕怡清新, 最啱女士。蕃茄湯底甜酸開胃, 朋友對佢情有獨鐘。人參雞湯滋補養身又美味。火鍋配料之中海鮮就最受歡迎。打邊爐同時仲有日式放題, 刺身、炸物夠酥脆, 甜蝦, 螺肉都幾新鮮。食埋甜品就滿足晒。