影片
更多
2018-09-22
3831 浏览
又要嚟新屋打點，中午一餐自然要去附近解決。初嚟報到，人生路不熟，對商場嘅食肆認知不多。記得之前朋友提過東港城有間「新麻蒲 BBQ」，午市套餐非常抵食，最平 $68 已經有交易，反正午餐還沒想到吃什麼，就一於不作他想。餐廳門口放有午市套餐餐牌，到埗後先跓足細看。原來午市套餐價錢真係非常經濟，由 $68-$168 不等，而且選擇非常之多，足足有成 22 款，就算每日吃一款，都要三個禮拜先可以試勻曬。另外所有套餐，均可享買 3 送 1，如果約埋幾個朋友嚟食，就更加化算。來到時大約中午十二點半，初頭還以為時間尚早，估唔到餐廳咁旺場，入面幾乎座無虛席。由於剛才在門外已經看過餐牌，所以入座後便馬上點餐。小鬼愛吃肉，點了一個特級午市燒肉套餐，而我就揀咗一客火山芝士泡菜炒飯，另外再加咗個韓式煎餅拼盤一齊分享。點完餐後，店員便立即為我們端上沙律、前菜、配菜和醬料，並於爐邊注入蛋漿。前菜嘅款式非常豐富，除了有經典嘅辣泡菜外，還有海帶、洋蔥、醃蘿蔔、大豆芽，單單是吃前菜已經飽了不少，另外仲有口味清新的田園沙律同用來包烤肉嘅生菜，擺滿一檯。趁套餐未上，先試下這個韓式煎餅拼盤 ($88)，原來這個拼盤同一般的韓
又要嚟新屋打點，中午一餐自然要去附近解決。初嚟報到，人生路不熟，對商場嘅食肆認知不多。記得之前朋友提過東港城有間「新麻蒲 BBQ」，午市套餐非常抵食，最平 $68 已經有交易，反正午餐還沒想到吃什麼，就一於不作他想。
餐廳門口放有午市套餐餐牌，到埗後先跓足細看。原來午市套餐價錢真係非常經濟，由 $68-$168 不等，而且選擇非常之多，足足有成 22 款，就算每日吃一款，都要三個禮拜先可以試勻曬。另外所有套餐，均可享買 3 送 1，如果約埋幾個朋友嚟食，就更加化算。
來到時大約中午十二點半，初頭還以為時間尚早，估唔到餐廳咁旺場，入面幾乎座無虛席。由於剛才在門外已經看過餐牌，所以入座後便馬上點餐。小鬼愛吃肉，點了一個特級午市燒肉套餐，而我就揀咗一客火山芝士泡菜炒飯，另外再加咗個韓式煎餅拼盤一齊分享。
點完餐後，店員便立即為我們端上沙律、前菜、配菜和醬料，並於爐邊注入蛋漿。前菜嘅款式非常豐富，除了有經典嘅辣泡菜外，還有海帶、洋蔥、醃蘿蔔、大豆芽，單單是吃前菜已經飽了不少，另外仲有口味清新的田園沙律同用來包烤肉嘅生菜，擺滿一檯。
趁套餐未上，先試下這個韓式煎餅拼盤 ($88)，原來這個拼盤同一般的韓式煎餅好唔同，拼盤內有魚肉、杏鮑菇、冬菇同翠肉瓜，每款均裹上蛋漿煎香。最正就係翠肉瓜，味道輕巧，吃起來爽脆又多汁。
火山芝士泡菜炒飯 ($78)，飯邊滿是香口的蛋漿，飯頂還有不少芝士，加上泡菜的組合，滋味十足，而且泡菜和炒飯非常融合，每一口都有酸酸辣辣的味道，夠曬醒胃。
至於特級午市套餐 ($168)，陣容亦絕對唔弱，除了有牛霜降肉 50g、牛肋排 50g，還有新麻蒲護心肉 50g、新麻蒲五花肉 50g、什錦菇類同海鮮大醬湯，另外套餐亦會配有一碗紫菜飯。海鮮大醬湯用料非常豐富，以韓式大醬加入蝦、蜆、豆腐、冬菇、翠肉瓜等煮成，據說這款湯是韓國男生最喜歡的家常菜。
至於烤肉方面，牛霜降肉色澤深紅，油花分佈平均，肉嫩又帶油份，最啱就係用生菜包住嚟食。牛肋排水準亦唔錯，肉味不俗，烤完後點上海鹽同吃，更能提升食味。護心肉口感柔韌有彈性，而五花肉經輕燒後亦嫩滑富肉味，無論係淨食，又或者用生菜包住嚟食，都一樣咁味美。
套餐包飲品，紅色嗰杯係石榴果醋，而藍色嗰杯就係藍天檸檬汽水，味道酸酸甜甜，消暑解渴，是吃烤肉的最佳組合。
张贴
