影片
更多
2018-07-19
55 浏览
好耐冇寫食評喇，今次遇到間好食既泰國菜，所以的起心肝同大家推介下！環境：旺角呢d旺區黎講呢度地方都算大，可以容納三五知己至到十人大伙兒既聚會，而且唔係夾硬坐到勁迫個隻，座位算寬敞坐得幾舒服，而且呢度既裝潢佈置好有泰國特色好靚！服務：侍應招呼唔錯，超碼帶位、落單同執野都好有禮貌同快手，係旺角食野度度都多人，可以咁快脆同唔漏單已經唔容易呢。衛生：雖然地方比較暗同舊，但都睇到係乾乾淨淨既，乎合呢個價錢既質素啦。味道：男朋友點左個一人晚餐，叫左炒蠔餅飯，比起單點真係抵好多，仲送野飲同甜品，而且黎到份量一d都唔縮水，睇下相就見到幾多蠔仔，食落新鮮多汁，配埋炒蛋同三色椒，唔同口感得黎又好夾！我就叫左個豬頸肉湯米線，始終覺得泰式湯麵係要配河粉，可惜去到已經賣晒，豬頸肉煎得好靚，邊邊係脆既，食落好多肉汁，但因為切成長條形，所以肥得黎唔會油膩，方便搭麵食！另外叫左期待已久既秘制燒雞半隻，雞皮燒到金黃色而且好脆，平時唔食雞皮既我都括左出去食晒佢地，雞肉好滑，點埋佢地既秘制醬汁，一甜酸，一香辣，兩種滋味，岩晒大班人share食。抵食：計番一人百五蚊唔使，份量算岩岩好，個一人套餐真心抵飯，連野飲同甜品都係58
環境：旺角呢d旺區黎講呢度地方都算大，可以容納三五知己至到十人大伙兒既聚會，而且唔係夾硬坐到勁迫個隻，座位算寬敞坐得幾舒服，而且呢度既裝潢佈置好有泰國特色好靚！
服務：侍應招呼唔錯，超碼帶位、落單同執野都好有禮貌同快手，係旺角食野度度都多人，可以咁快脆同唔漏單已經唔容易呢。
衛生：雖然地方比較暗同舊，但都睇到係乾乾淨淨既，乎合呢個價錢既質素啦。
味道：
男朋友點左個一人晚餐，叫左炒蠔餅飯，比起單點真係抵好多，仲送野飲同甜品，而且黎到份量一d都唔縮水，睇下相就見到幾多蠔仔，食落新鮮多汁，配埋炒蛋同三色椒，唔同口感得黎又好夾！
我就叫左個豬頸肉湯米線，始終覺得泰式湯麵係要配河粉，可惜去到已經賣晒，豬頸肉煎得好靚，邊邊係脆既，食落好多肉汁，但因為切成長條形，所以肥得黎唔會油膩，方便搭麵食！
另外叫左期待已久既秘制燒雞半隻，雞皮燒到金黃色而且好脆，平時唔食雞皮既我都括左出去食晒佢地，雞肉好滑，點埋佢地既秘制醬汁，一甜酸，一香辣，兩種滋味，岩晒大班人share食。
抵食：計番一人百五蚊唔使，份量算岩岩好，個一人套餐真心抵飯，連野飲同甜品都係58-89蚊，呢個價位配呢個質量，係值得推介既！
张贴
