影片
更多
2018-02-23
100 浏览
依間樓上嘅日本餐廳雖然唔大,但係格局同埋裝修都幾精緻,令人可以靜靜地食嘢,望下窗外風景咁,都幾舒服.急急腳上到去,一坐低就叫左一杯啤酒解下渴,推薦下佢嘅啤酒,真係好正!之後我地落單嘅時候心大心細,簡唔到到底要食咩好,好在店員主動過黎幫我地手,比啲建議同推介,好主動好親切,服務態度十分好!最後我地就叫左幾份單嗌嘅刺身,兩件刺身和牛壽司,一件燒帶子, 兩件燒蠔同埋一份蟹膏炒飯.一開始到嘅係剌身,我地單嗌左一份三文魚,一份劍魚腩, 一份甜蝦.每樣都係一份8件,以兩個人黎講份量都幾足.而且佢擺盤幾精美,即使唔係刺身拼盤都好花心思,影相post 上網一定好多LIKE!之後就試試佢嘅味道啦,果然係同一般放題餐廳完全唔同水準,非常高質.甜蝦好大隻,新鮮甘甜,肉質好鮮嫩,口感好好.劍魚腩亦要讚一讚,平時食嘅劍魚腩通常冇乜味道,一味得個肥字,但係呢間嘅呢就真係食得出劍魚油脂嗰種獨特嘅味道.三文魚都好肥美,我好中意佢有比四塊魚腩四塊普通嘅,一次過滿足中意食腩位同唔中意食太肥嘅人.之後係兩件和牛壽司,店員話係呢度嘅主打菜.因為佢價格都比較高,係好高級嘅日本和牛,所以就叫左兩件黎試一試. 一上到枱面,就睇得出
急急腳上到去,一坐低就叫左一杯啤酒解下渴,推薦下佢嘅啤酒,真係好正!之後我地落單嘅時候心大心細,簡唔到到底要食咩好,好在店員主動過黎幫我地手,比啲建議同推介,好主動好親切,服務態度十分好!最後我地就叫左幾份單嗌嘅刺身,兩件刺身和牛壽司,一件燒帶子, 兩件燒蠔同埋一份蟹膏炒飯.
一開始到嘅係剌身,我地單嗌左一份三文魚,一份劍魚腩, 一份甜蝦.每樣都係一份8件,以兩個人黎講份量都幾足.而且佢擺盤幾精美,即使唔係刺身拼盤都好花心思,影相post 上網一定好多LIKE!之後就試試佢嘅味道啦,果然係同一般放題餐廳完全唔同水準,非常高質.甜蝦好大隻,新鮮甘甜,肉質好鮮嫩,口感好好.劍魚腩亦要讚一讚,平時食嘅劍魚腩通常冇乜味道,一味得個肥字,但係呢間嘅呢就真係食得出劍魚油脂嗰種獨特嘅味道.三文魚都好肥美,我好中意佢有比四塊魚腩四塊普通嘅,一次過滿足中意食腩位同唔中意食太肥嘅人.
之後係兩件和牛壽司,店員話係呢度嘅主打菜.因為佢價格都比較高,係好高級嘅日本和牛,所以就叫左兩件黎試一試. 一上到枱面,就睇得出佢用嘅和牛真係好靚,因為佢油脂比例都幾高,不過好均勻,個油紋好靚.食落口,就體驗到咩係入口即融,口入面充滿淡淡嘅牛味同蒜味.要提一提佢嘅蒜蓉,味道幾特別,應該係佢地自己加工過,好夾和牛嘅味道,亦令和牛食落口冇腥味.但係相比之下壽司舊飯就好似有點多餘,所以下次應該會就咁食和牛刺身.
之後到嘅就係燒帶子同燒生蠔.先講下燒帶子,佢真係好大個,應該有成塊手掌咁大.帶子肉燒得岩岩好,唔會過熟,所以口感好嫩.面頭嘅芝士同蒜蓉好足料,好香口.至於燒蠔,由於佢面頭嘅料係差唔多,所以直接講下個蠔.蠔身好肥美,肉質好creamy,同芝士好夾,雖然蠔味唔重但係咁樣反而味道比較夾到,水準中上.
最後黎到嘅蟹膏炒飯就比較上中規中矩.炒飯乾身,飯粒彈牙,色澤同口感都好好.配料幾足,勁多蟹子.蟹膏味雖然比較淡,但係啖啖飯都食得出.就係略嫌味道偏咸,同埋冇肉做配料.
不過整體黎講味道非常不錯,雖然價錢有啲高,但係以咁好嘅食物質素黎講,叫做合理,性價比唔低.而且環境同服務都好好,值得再去!
17 浏览
0 赞好
0 留言
6 浏览
0 赞好
0 留言
3 浏览
0 赞好
0 留言
2 浏览
0 赞好
0 留言
3 浏览
0 赞好
0 留言
张贴
