堅泰

营业中

休息中

🥙豬頸肉沙律豬頸肉嘅份量超級多，一啲都唔吝嗇🙏🏼下低有一啲青瓜絲配搭，醬汁係比較酸，魚露味都幾出，食完好開胃🫡🥭芒果糯米飯芒果份量都多，甜度適中😋糯米飯係比較黏嗰一種，椰汁份量足夠，新鮮出嚟嘅糯米飯係OK嘅😎🥧咖啡朱古力香蕉煎餅咖啡朱古力醬唔係平時食開嗰啲nutella，或者hershey嗰一隻，我估係泰國嘅朱古力醬，係我從來未試過嘅味道🤩打開咗我嘅新領域😳配埋香蕉煎餅真係一個好正嘅甜品🍌🧇🧋泰式奶茶平時我飲泰式奶茶都一定會嗌少甜，因為多數都比較重手。喺呢度係冇得揀甜度，開頭都有啲擔心，不過好彩佢唔會太甜，而且好正宗🤪🍹龍眼茶龍眼茶夠濃，而且唔會太甜，解渴一流🤣溫馨提示🔔記得留返收據下次再去食又九五折㗎😍