富山居 (裝修中)

早前朋友推介過大埔有間新開嘅餐廳食物高質兼抵食👍今日同屋企人即興過嚟呢間位於大元街市美食廣場嘅富山居試吓d早餐😌🍽呢間價錢真係幾抵，環境又靚，員工又友善👩🏻‍⚖️$40 茄汁焗豆加脆薯餅配網燒牛扒🥩網燒牛扒真嘅好讚，一d都唔乾又唔韌，有牛味又夠juicy🍳農場煎蛋煎得好完美好靚🥔脆薯餅香脆可口又新鮮$36 照燒十勝豬扒脆脆豬同埋火腿通粉 🐖照燒十勝豬扒脆脆豬好大塊厚切，一咬好嫩滑多汁🍲火腿通粉份量好足，湯底好香，真係超滿足☕️嘆埋個熱咖啡，成個人暖烘烘，行出街都唔覺得凍呀🥰