疫情關係，枱與枱之間都有隔板，一入去職員都跟足程序，要求客人量體溫。雖然疫情緩和，但見到有呢d措施感覺都好d。
早餐選擇多元化，價錢可以接受。
今朝叫左個牛扒午餐肉炒蛋，加配火腿絲濃湯通粉。
牛扒- 相比起連鎖快餐大x樂個d厚，鍾意有咬口嘅朋友應該喜歡
午餐肉- 厚薄適中，都有煎香
炒蛋同蒜香牛油多士-正常
茄汁豆- 呢個本來都應該正正常常，唔會有咩問題。可惜上枱時係凍嘅，並唔係追求要熱辣辣，好似平時常溫都可以接受，但真係凍嘅，總係覺得有啲怪
（可能係我真係少食凍ge茄汁豆🙈😅）
火腿絲濃湯通粉-火腿絲都幾多，但濃湯就見人見智，我就覺得都係淡d。
另外值得一提嘅係職員姐姐都幾有禮貌，每次食物上枱都有打招呼「早晨，hello ! 」
