富華冰室 (秋雲大廈)

营业中

休息中

見到未食過呢間富華冰室，於是就去試下啦！點知見到門口擺放排隊用嘅紅帶，心諗有冇咁好食呀？早餐都要排隊？行到埋去唔使排，職員就帶我入去坐低，一張長枱坐左4個人，中間放個擋隔板。只見啲職員動作好快，連帶我個心都跳得快咗。立即叫個沙牛米，凍茶應付左職員熱切嘅落單目光。我觀察下啲食客，全都係街坊喎，點解我有種去左遊客區食店嘅感覺。一有空位，啲職員就大叫幾多號位有半位，準備！好有朝氣，好有系統。務求令到個空位空置時間縮短到一分鐘。講返食物，我覺得正常，無特別好唔好食，但係想係呢度慢慢食個早餐就絕對唔得啦！店入面嘅活力，朝氣蓬勃會令到你唔可以慢落嚟,一定要靈活，一定要快，充滿香港人特色，做咩都要三分鐘搞掂。