金記冰室 (康怡廣場北座) (已結業)

金記冰室，通常係外賣菠蘿包同蛋撻，未試過坐低食。今日坐早咗班車，見仲有時間就坐低食個早餐先。金記早餐同平時茶記一樣，都係賣港式早餐，唯獨早餐中有兩個set同其它茶記唔一樣，所以揀咗個試試。💎 招牌牛肉米粉配火腿炒蛋米粉中有牛肉，薑絲，葱同米粉，份量唔算多，食完唔算飽，牛肉中規中矩，但如果食港式早餐吃到悶的話，有其它選擇都幾好的，佢炒蛋份量算大。💎 仿鮑魚火腿通粉配煎蛋通粉中有仿鮑魚絲，火腿，通粉，火腿份量算，反而通粉份量不多，煮通粉嘅湯都算濃。