鴻星中菜 (已結業)

星期日俾爸媽逼左去樓下飲早茶！8點幾9點完全唔洗等位。睇睇點心紙，其實得好少野食揀，連雞包仔都無！勉為其難之下叫左10樣點心。要講講嘅係肉丸粥，大大碗先廿幾蚊，仲平過去粥店食，而且肉丸爽口，仲加左啲薑絲，令成個粥感覺好醒胃！個薄餐都好足料，邊邊煎到好香口脆口，好食！布拉腸粉都超正，滑到不得之了！加不過啲點心就麻麻地，牛肉細粒得嚟無咩味，潮州粉果嗰啲都係普通貨色！不過呢度坐得好舒服，樓底夠曬高，而且唔會太嘈，可能因為唔多人掛！