影片
更多
2018-05-13
1186 浏览
由於母親節我要返工, 所以就提早同媽咪慶祝母親節食飯.好彩有BOOK位, 否則walk in唔駛食都得了.6:30PM準時到了, 安排入座既枱我估應該係後加. 因為今日舖面有好多張大大小小既枱. 我地應該係用張摺枱黎再加圓板O係上面, 不過都OK 既, 始終母親節前席, 都係會多人.今晚忘記影食物相添!今晚菜式有: 胡椒豬肚湯、豉汁蒸大鱔、豉椒炒檉子、葱油雞半隻、炸墨魚餅、腐乳通菜炒鮮魷、椒鹽墨魚咀、鐵板黑椒豬手都幾豐富!豉椒炒檉子: 鑊氣都算夠, 不過檉子係用普通檉子 , 唔係大隻果D, 食落都可以既! 份量黎講叫合理啦!腐乳通菜炒鮮魷: 都炒得唔錯, 不過腐乳味較淡.胡椒豬肚湯: 呢個湯就好失望喇! 因為真係冇乜味! 入面既咸菜係浸到冇晒味, 好似不停加水再加水得出黎既味道咁.....豉汁蒸大鱔 : 呢個唔錯, 我不嬲都唔太食魚, 我就食左一件, 味道都好入味, 不過就好多骨...葱油雞半隻: 呢個有驚喜, 好食! 上枱時, 見到中間有一堆啡色野唔係係乜, 原來係洋葱. 夾埋D雞件一齊食又真係好香, 而且雞都好嫰滑!炸墨魚餅: 墨魚餅外面粉漿唔厚，脆脆地，入面就好彈牙, 仲食到好
好彩有BOOK位, 否則walk in唔駛食都得了.
6:30PM準時到了, 安排入座既枱我估應該係後加. 因為今日舖面有好多張大大小小既枱. 我地應該係用張摺枱黎再加圓板O係上面, 不過都OK 既, 始終母親節前席, 都係會多人.
今晚忘記影食物相添!
今晚菜式有: 胡椒豬肚湯、豉汁蒸大鱔、豉椒炒檉子、葱油雞半隻、炸墨魚餅、腐乳通菜炒鮮魷、椒鹽墨魚咀、鐵板黑椒豬手
都幾豐富!
豉椒炒檉子: 鑊氣都算夠, 不過檉子係用普通檉子 , 唔係大隻果D, 食落都可以既! 份量黎講叫合理啦!
腐乳通菜炒鮮魷: 都炒得唔錯, 不過腐乳味較淡.
胡椒豬肚湯: 呢個湯就好失望喇! 因為真係冇乜味! 入面既咸菜係浸到冇晒味, 好似不停加水再加水得出黎既味道咁.....
豉汁蒸大鱔 : 呢個唔錯, 我不嬲都唔太食魚, 我就食左一件, 味道都好入味, 不過就好多骨...
葱油雞半隻: 呢個有驚喜, 好食! 上枱時, 見到中間有一堆啡色野唔係係乜, 原來係洋葱. 夾埋D雞件一齊食又真係好香, 而且雞都好嫰滑!
炸墨魚餅: 墨魚餅外面粉漿唔厚，脆脆地，入面就好彈牙, 仲食到好多黑魚粒! OK!
椒鹽墨魚咀: 同樣炸粉漿好薄, 入面墨魚咀仲好juicy.
鐵板黑椒豬手: 豬手炆得好夠腍, 職員幫手介左幾刀我地就自己拆肉食. 黑椒汁又夠惹味! 爸爸話隻豬手骨好食到愛不惜手喎!
题外话/补充资料：
呢度冇得碌卡, 記住帶現金!
(以上食记乃用户个人意见 , 并不代表OpenRice之观点。)
张贴