髀魔-雞髀第一店 (福民路) (已結業)

行完山出返西貢市中心，已是6點多。由於堂食時間已過，所以只能買外賣再找地方食。其實好耐之前已想食嚟間，咁啱經過見到就緊係要試試。但估計係假期而且太晏去到既關係，原本想買炸髀試下，可惜已經售罄。食唔到最想食既炸髀，唯有先試其他。外賣盒有特別設計過，笑哈哈既樣係鬆氣位，係幾得意。黃金雞粒 - 真係好邪惡。首先肉質都唔錯，而且鹹蛋味好香，好惹味。食到停唔到口，雖然食完好內疚，但都想繼續食。經典魷魚鬚(椒鹽) - 口感幾好，易咬唔韌。但味道就有點偏咸。希望下次食到炸髀。