MUM 日常野菜料理 (已結業)

講就話9點鐘閂門，8點係出面等就已經話截單。係店出面等左十幾分鐘，都冇人出嚟話俾啲客知佢哋唔再接客。之後有staff出嚟，入左兩個人，之後就對其他人講話last order，又唔講清楚係唔係閂門大吉，定係可以即刻order左等位食。間餐廳俾人感覺就係有冇客食都冇所謂，最緊要夠早收舖。如果係特登去新蒲崗想試間餐廳，但8點都未到附近，打電話去問問先。因為附近都冇咩好食，如果你嗰陣加埋都有少肚餓，真係會崩潰。