蘭香茶餐廳

营业中

休息中

禮拜日經過荃灣楊屋道街市附近買餸，肚仔餓所以想喺附近搵間茶餐廳食嘢，我又唔想搵啲連鎖快餐店食，所以周圍行下，之後俾我發現有間店舖門面懷舊，感覺而家喺香港好少見到仲有營業嘅舊冰室。所以二話不說就入去試吓。店內有一種好似70、80年代嘅舊香港嘅冰室咁，食嘅都係通粉意粉奶茶咖啡為主，我點嘅係餐肉通粉同埋奄列嘅餐，味道可以。最主要係當日人流唔多，可以喺大街大行入邊搵到一間懷舊特色嘅餐廳Hea下，已經好滿足！