影片
更多
2018-06-26
90 浏览
一向都知觀塘好多工業大廈都轉變成美成天堂，諗到咩都有得食。同事諗到想食日本嘢，無問題啦，絕對唔會老點你，準時收工等埋你。穿過繁忙嘅街道，上到來這楝工業大廈5樓，相對地較寧靜。誰不知，坐不多久，又是一片人氣鼎盛嘅環境氣氛，好不熱鬧喔!除咗飲煎茶，餐廳還有道地綠茶和巨峰百果園提供。問咗同事想食咩嘢? 佢話想食特別啲。咁就先來個爐端燒【BBQ北海道海鮮拼盤】先啦。個份量係一隻帶子、生蠔、冬菇、松葉蟹。店員好 nice，幫我哋 set 好個爐，仲放埋帶子、蟹殼和生蠔上去燒。之後，我擺埋兩隻蟹腳和冬菇上去燒。蟹鉗係預先剝了殼，所以我哋都費事燒佢，就咁食，肉多好鮮甜。個蟹蓋其實裝住好多蟹膏，燒咗一陣，香味出晒嚟。同事仲用咗D蟹來撈飯食，實在太浮誇喇!弊! 排住傾計無睇火，搞到隻蠔燒到過咗龍，縮咗水。好彩食落仍然是好鮮美。而帶子就非常爽口。跟住當然係要食呢到出名的爆丼。兩個人叫咗一個【丼瀛龍蝦刺身爆丼】。好彩只係叫咗一個啫，原來個爆丼係大個。流心蛋D蛋黃真係會流動架! 同事口痕，話可以英文譯作 mobile egg。同事話魚生飯食得多，但未食過咁巨型嘅龍蝦魚生飯，魚生鋪滿碗飯唔在講，隻龍蝦啲糕多到呢
穿過繁忙嘅街道，上到來這楝工業大廈5樓，相對地較寧靜。誰不知，坐不多久，又是一片人氣鼎盛嘅環境氣氛，好不熱鬧喔!
除咗飲煎茶，餐廳還有道地綠茶和巨峰百果園提供。
問咗同事想食咩嘢? 佢話想食特別啲。
咁就先來個爐端燒【BBQ北海道海鮮拼盤】先啦。個份量係一隻帶子、生蠔、冬菇、松葉蟹。
店員好 nice，幫我哋 set 好個爐，仲放埋帶子、蟹殼和生蠔上去燒。
之後，我擺埋兩隻蟹腳和冬菇上去燒。
蟹鉗係預先剝了殼，所以我哋都費事燒佢，就咁食，肉多好鮮甜。
個蟹蓋其實裝住好多蟹膏，燒咗一陣，香味出晒嚟。同事仲用咗D蟹來撈飯食，實在太浮誇喇!
弊! 排住傾計無睇火，搞到隻蠔燒到過咗龍，縮咗水。好彩食落仍然是好鮮美。而帶子就非常爽口。
跟住當然係要食呢到出名的爆丼。兩個人叫咗一個【丼瀛龍蝦刺身爆丼】。好彩只係叫咗一個啫，原來個爆丼係大個。
流心蛋D蛋黃真係會流動架! 同事口痕，話可以英文譯作 mobile egg。
同事話魚生飯食得多，但未食過咁巨型嘅龍蝦魚生飯，魚生鋪滿碗飯唔在講，隻龍蝦啲糕多到呢，我要用來撈飯食，超正！
再食多一個【北極光海膽杯】。店員話，呢個係店主自創的，第度食唔到。齋睇個樣就知無得輸啦! 最底係紫薯，然後係海膽豆腐、松葉蟹肉、三文魚蓉、三文魚籽，跟住仲有海膽、海葡萄、炸魚薄脆，每樣材料都好新鮮，一層一層咁砌成，差D唔捨得食佢。咪傻! 我唔食，咪盞益咗我同事 ~
最後，食多個特色嘢，就係七色築地壽司杯。個 presentation 係將七款不同的壽司以小杯形式呈現出來，唔似得傳統的壽司次次都整到一粒粒飯團咁，呢啲咪叫creative 囉。
每樣材料好新鮮，有海膽、吞拿魚、魷魚壽司杯。
仲有三文魚、生海蝦、拖羅紫菜卷和黃薑杯。
同事唔客氣搶住食。
其實，佢要食，我多多都讓佢食啦，餐餐陪佢食我都願啦。你明嘅~~
张贴
