JK Brother’s (已結業)

聽人講呢間放題唔止有日本嘢食，連韓國嘢都有，今次就決定同朋友嚟試下。呢度叫嘢食嘅方法都幾方便，係用QR code，可以不斷自己落單。一嚟到就Order左响好多食評都見到嘅生八爪魚同埋醬油蝦。八爪魚同我響韓國食到嘅差唔多，醬油蝦都幾有驚喜，好入味，好想同飯一齊食。刺身同壽司嘅選擇就一般，不過都有火炙，軍艦，手卷。熟食方面有串燒炸物等等，要讚下佢個羊架，熟嘅程度剛剛好，忍唔住叫咗兩次。蟹子沙律係我食日式放題必食嘅，點整都好食哈哈。然後佢個牛油粟米我都叫咗兩次，因為真係好甜好香。最後就梗係食甜品啦，佢有成三個雪糕櫃，好多韓國雪條雪糕，仲有必食嘅movenpick，真係飽到不得了，滿足！