華都海鮮酒家

今日同朋友去完大澳出返東涌搵嘢食，朋友就介紹我哋過嚟東涌碼頭呢邊睇住日落食飯嘅大排檔，估唔到呢個位可以睇到咁靚嘅日落！真係加分唔少！

1

我哋叫咗豉椒炒蜆、魚肚浸勝瓜、魚香茄子煲、小炒王、椒鹽九肚魚、咕嚕肉、豉油王炒麵及豉椒炒鵝腸！黎大排檔當然唔少得啤啤佢

豉椒炒蜆冇沙味道尚可！

魚香茄子感覺唔夠咸魚香味！

小炒皇，豉椒炒鵝腸及椒鹽九肚魚送酒一流！

1

魚肚浸勝瓜好食，鍾意勝瓜唔會煮得好淋有口感！

豉油王炒麵加埋佢個辣椒醬一齊食算唔錯！

總結食物質素有待改進，如果食小菜價格相宜、海鮮除外😬不過成班朋友聚埋一齊已經好開心，係呢度仲可以見到咁靚嘅日落.為呢個假期畫上完美句號！