真心 (已結業)

喺soho區入面，有間新開嘅日本嘢，生存喺呢條街有種格格不入嘅感覺，正因為咁吸引咗我地入去。我地被安排坐高櫈，雖然吊腳，不過唔緊要。先食海膽排長龍，賣相好別緻，海膽新鮮，卷內有蟹柳，味道唔錯！食完得2成飽，再叫多兩碗飯。五色盛宴丼，飯面鋪滿三文魚，油甘魚，帶子，北寄貝同甜蝦，每款刺身有兩件適合二人share，質素都好好！最後食埋霜降熊本牛扒丼，入口非常驚喜，雖然見唔到牛肉應有嘅血色，但一啲都唔硬，而且牛肉味濃爆，非常高質！飲品叫咗波子汽水同橙汁，既有日式風味又解渴。