楓 (已結業)

之前試過依間日系風格嘅餐廳,烤蛋糕覺得都唔錯，今次見到出左啲新野就決定再試一試。 慢煮炙燒雞叉燒咖哩湯烏冬 炙燒過嘅雞叉燒望落好似燒嘅帶子，口感食落都幾滑嫩。咖哩湯底望落幾濃，食落唔辣，仲有溏心蛋同粟米粒。大阪燒（章魚）熱辣辣上枱，大阪燒上嘅柴魚片都仲跳動緊。食到有椰菜粟米蟹柳章魚粒等，仲加左啲蔥花，材料種類幾豐富。食落大阪燒口感偏濕潤，大阪燒醬汁同海苔粉都好足，唔怕食到最後會唔夠味。芝麻豆乳焙茶豆乳 芝麻同焙茶味都好香濃，又唔會好甜，豆乳口感厚滑。焙茶刨冰刨冰上面擠左cream仲用焙茶粉，底下就有刨冰，冰嘅焙茶嘅味道都好香，而且口感幾細滑。依家仲有買一送一嘅優惠。