影片
更多
2022-09-23
168 浏览
PHI Coffee & Pancake📍 屯門屯順街1號屯門市廣場1期3樓Kiosk 02號舖放工後同朋友去咗屯門搵食，因為我戴牙套啲牙好酸軟唔係好咬到硬嘅食物，所以佢揀咗去呢間食soufflé pancake嘅專門店食晚餐。 💰$118 (+$20 movenpick雪糕)70%純黑生朱古力梳乎厘 🍫話明係梳乎厘專門店，一定要試下佢哋嘅soufflé pancake啦。我平時就對呢種空氣感咁重嘅食物無咩大興趣，但礙於牙痛嘅關係，都想食啲唔洗點咬嘅食物。好彩有叫嚟食，佢哋嘅梳乎厘整得好出色，除咗有三大舊梳乎厘外，仲有幾粒濃味嘅生朱古力、朱古力慕絲、朱古力餅碎同一小樽朱古力醬。梳乎厘嘅口感食落好輕，好似食緊雲咁入口即溶，除此以外，佢嘅蛋同奶味都好香，淨食唔點醬都夠哂味！生朱古力濃度好高但一啲都唔苦，好rich好creamy！朱古力慕絲打得輕身，顏色雖淺但朱古力味都好出同滑，好light好好食！朱古力餅碎偏硬，同軟淋淋嘅梳乎厘一齊食都幾夾。我哋仲額外加多咗$20配一球movenpick雲呢拿雪糕，幾樣嘢食加埋真係令人食得好開心！ 💰$88牛油果煙三文魚熱香餅 🥞呢度嘅熱香餅好迷你，上面放
📍 屯門屯順街1號屯門市廣場1期3樓Kiosk 02號舖
放工後同朋友去咗屯門搵食，因為我戴牙套啲牙好酸軟唔係好咬到硬嘅食物，所以佢揀咗去呢間食soufflé pancake嘅專門店食晚餐。
[價錢 Price]
💰$118 (+$20 movenpick雪糕)
70%純黑生朱古力梳乎厘 🍫
話明係梳乎厘專門店，一定要試下佢哋嘅soufflé pancake啦。我平時就對呢種空氣感咁重嘅食物無咩大興趣，但礙於牙痛嘅關係，都想食啲唔洗點咬嘅食物。好彩有叫嚟食，佢哋嘅梳乎厘整得好出色，除咗有三大舊梳乎厘外，仲有幾粒濃味嘅生朱古力、朱古力慕絲、朱古力餅碎同一小樽朱古力醬。梳乎厘嘅口感食落好輕，好似食緊雲咁入口即溶，除此以外，佢嘅蛋同奶味都好香，淨食唔點醬都夠哂味！生朱古力濃度好高但一啲都唔苦，好rich好creamy！朱古力慕絲打得輕身，顏色雖淺但朱古力味都好出同滑，好light好好食！朱古力餅碎偏硬，同軟淋淋嘅梳乎厘一齊食都幾夾。我哋仲額外加多咗$20配一球movenpick雲呢拿雪糕，幾樣嘢食加埋真係令人食得好開心！
[價錢 Price]
💰$88
牛油果煙三文魚熱香餅 🥞
呢度嘅熱香餅好迷你，上面放咗牛油果蓉同兩舊用煙三文魚卷成嘅花卷，都幾精緻。牛油果蓉嘅味道幾搞笑，食落有陣陣燒味嘅蔥油薑油味，淨食佢係會覺得有啲怪，但夾埋煙三文魚同熱香餅一齊食又幾夾，係一個幾新奇嘅組合！伴碟有沙律菜同幾片菠蘿，整碟菜式都偏清新，比較適合唔太鍾意甜食嘅朋友。
[價錢 Price]
💰$48
Lotus焦糖芝士脆餅 🧀
正！真係好正！呢個cheesecake份量適中，芝士味唔會太濃太搶，焦糖嘅甜度亦恰到好處。佢嘅芝士好幼滑，如果要形容，就係介乎New York cheesecake 同日式輕芝士蛋糕嘅口感，總之就好好味！惟一美中不足可能係放咗喺凍櫃一段時間，無論係間喺中間嘅餅碎，定放喺上面裝飾嘅餅乾都淋咗有少少濕，扣咗少少分，如果唔係一定值得更高嘅分數！
[價錢 Price]
💰$279.5
呢個係兩個人晚餐時段嘅價錢，店舖係食甜食為主，都有少量鹹食如意粉供選擇，個人認為下午茶以外時段去食都唔錯，如果怕叫太多甜嘢太漏可以試下佢哋嘅咖啡或茶喔！
张贴
