燒肉一番 (已結業)

有朋友話葵芳新開咗間燒肉店，想約我一齊去試吓，咁就坐言起行去食，餐廳門面好靚好吸引，裡面座位又寬敞舒適，服務員好有禮貌。入座後服務員比個QR Cord 我哋自己落Order，我同朋友都係牛魔王，我Order 咗 $118一番盛合套餐，有牛小排，牛舌，厚切豚五花肉，套餐跟白飯，麵豉湯及泡菜或日式前菜，我加咗 $8 改為紫菜飯，D飯真係好食好多！牛小排牛味香濃，入口即溶，牛舌好爽口，五花肉又唔肥膩，燒完有爽脆口感。朋友 Order 咗 $168 牛肉三食套餐，有牛五花，牛小排，牛板腱，牛五花雪花均勻，整體來講餐廳選料尚盛，每款牛肉都有牛香味及口感。朋友加咗 $15 改為玉子飯，温泉蛋上加咗好多紫菜同木魚，見到已經好吸引。我哋再Order咗些小食，芝麻雞翅，香脆又 Juicy。芝士年糕好香芝士味，薯絲炸蝦係我最愛，好食到要 Encord。食飽後唔少得甜品，每人叫咗一客雪糕，綠茶味同芝麻味都好出色。結賬都係四百多元！有超值的感覺，可以一試再試！