Good Good (已結業)

限聚令放寬返，終於可以出去行吓食吓野，今次去咗西環呢間日系素食餐廳，店裏面嘅裝修以簡約為主，感覺一流，仲有分上下層，空間感十足，唔會太侷促，防疫措施亦都做得好足，入去店內先量體溫，再搓搓手液，咁就食得安心又放心啦！佢個good good 飯口味清新，豆腐同牛油果都滑到雪雪聲，好正呀！另外一推介，吉列大啡菇咖喱飯。。。咖喱味道微辣，挺嘢味，從來未試過炸嘅吉列大啡菇，有意外驚喜，外脆內軟。總括而言，我會再嚟試㗎，推介比朋友！