更多
2023-11-13
4502 浏览
平时经过见到都需要排队,星期三晚餐时间竟然见到唔洗排!立即决定一试!餐厅内布置以日式复古为主调,除咗影起相更好睇,整个气氛都好柔和舒适,而且用餐时间唔会有好赶嘅感觉,适合同三两好友嚟食饭倾计。食物方面选择颇多,小食、主菜、甜品同饮料都有好多配搭,仲有素食选择。个人谂为蛋包饭算系餐厅招牌必点,蛋奄列烹调时间掌握得好好,口感嫩滑又唔会太生;炒饭加上蔬菜粒口感好丰富。今次选择炸海老做配菜,虾嘅size好有睇头,而且唔系用炸粉充撑场面,虾肉弹牙饱满;餐厅选择用龙虾汁作配,同蛋包饭味道好夹,鲜甜又唔会太浓味,食到尾都唔觉得腻。另一主食选择 – 牛肉芝士汉堡,相比美式浓味大件,呢度风格应该算系日式小巧精致,不过睇落份量唔大但食起好丰富,尽力食都系净咗少少薯条好可惜。牛肉汉堡扒非常厚身,锁到肉汁。香口小食炸鸡软骨,发现呢度嘅炸物都好出色,香脆唔油腻。南瓜芝士蛋糕好有趣,真系原件南瓜上,芝士蛋糕部分口感似奶皇同吉士,芝士味较淡,但同南瓜一齐食口感同味道都出奇地配合,钟意甜品不妨一试~热红豆牛乳牛乳夹红豆味道相信大家都好熟识,暖笠笠之选,呢度系基本味道之上加咗玫瑰花瓣,有股花香好舒服。焙茶麻糬沙冰清新解
餐厅内布置以日式复古为主调,除咗影起相更好睇,整个气氛都好柔和舒适,而且用餐时间唔会有好赶嘅感觉,适合同三两好友嚟食饭倾计。 食物方面选择颇多,小食、主菜、 甜品同饮料都有好多配搭,仲有素食选择。个人谂为蛋包饭算系餐厅招牌必点,蛋奄列烹调时间掌握得好好,口感嫩滑又唔会太生;炒饭加上蔬菜粒口感好丰富。
今次选择炸海老做配菜,虾嘅size好有睇头,而且唔系用炸粉充撑场面,虾肉弹牙饱满;餐厅选择用龙虾汁作配,同蛋包饭味道好夹,鲜甜又唔会太浓味,食到尾都唔觉得腻。
另一主食选择 – 牛肉芝士汉堡,相比美式浓味大件,呢度风格应该算系日式小巧精致,不过睇落份量唔大但食起好丰富,尽力食都系净咗少少薯条好可惜。
牛肉汉堡扒非常厚身,锁到肉汁。
香口小食炸鸡软骨,发现呢度嘅炸物都好出色,香脆唔油腻。
南瓜芝士蛋糕好有趣,真系原件南瓜上,芝士蛋糕部分口感似奶皇同吉士,芝士味较淡,但同南瓜一齐食口感同味道都出奇地配合,钟意甜品不妨一试~ 热红豆牛乳
牛乳夹红豆味道相信大家都好熟识,暖笠笠之选,呢度系基本味道之上加咗玫瑰花瓣,有股花香好舒服。
焙茶麻糬沙冰
清新解腻之选,焙茶够香而且无糖,啱我口味。
附上餐点及价钱参考
张贴