Urban Coffee Roaster (已結業)

去銅鑼灣行間大型12蚊店，見隔離有間似傢私showroom的coffee shop，入去試下，店員帶我地去到近水吧位，見到店內的咖啡機相當專業，呢間日系Café , 見餐牌都多野食，煎肉眼扒配日式青蔥牛肉汁$198呢個Rib Eye Steak 有驚喜，份量都大塊, 中間半生熟，肉眼扒肉質很嫩滑，肉味都香。松葉蟹肉飯配炸軟殼蟹$148上枱見到好大隻軟殼蟹, 第一次食到軟殼蟹都有啖啖肉，除了蟹肉, 還有蟹子、溫泉蛋、青瓜絲、沙律醬、蔥花連飯一齊食，好多層次。當然唔少得甜品，叫了最多人叫的法式焦煻班戟 ，Cream Brulee Pancake 是我情有獨鍾的，面層有焦糖脆脆，Pancake是厚身的，不是空氣感那種，所以呢隻pancake是實芯的，蛋香味濃，都好飽肚。飲品叫了杯Dirty 店員形容係杯唔攪拌的latte，上層係Espresso,一間係奶，飲落味道好複雜，苦苦甜甜，又凍又暖咁，好有趣。再叫杯Chocolate Peru – 70%朱古力濃度$48，口感夠滑，朱古力味夠醇夠香。