壹壹漁一 (已結業)

今午睇完網上食評後去光顧，中午12點左右到達，但未見人客，大概到12:30左右先至開始多人，發覺很多人客係獅子銀行職員，細問侍應才知佢哋幫襯會有85折，所以一定程度會吸引到佢哋。説回食物，自助沙律吧選擇唔多，泰式沙律有3款，柚子沙律，酸辣鳳爪，木耳青瓜，青木瓜沙律都會輪住替換，基本上味道正常，但青木瓜沙律好似過辣，食完要猛飲凍水解渴，另外亦可加錢20， 30選取推薦食品，例如船河，海南雞連油飯，我就試咗海南雞，雞算嫩滑，但油飯過濕，唔算好食，仲有冬陰公湯，只有草菇片，欠缺蝦，唔算吸引。埋單唔駛$80， 性價比算唔差， 行開一試就無妨。