牛川日本和牛專門店 (已結業)

今日出銅記食尊貴和牛放題日本A5和牛拼盤 上檯嘩一聲, 階梯拼盤上分門別類整齊地放上不同種類既和牛, 感覺華麗專業, 不愧為尊貴和牛放題! 階梯有A5熊本黑毛和牛牛頸脊、A5熊本黑毛和牛牛五花、A5牛匠岩手黑毛和牛牛冧、A4熊本黑毛和牛牛肩梅花、A4牛匠岩手黑毛和牛後腰肉、A5熊本黑毛和牛稀有汁燒千本筋、 牛川秘製黑椒牛柳、A4熊本黑毛和牛壺漬牛肋條, 仲有款蜜糖芥末豚軟骨。牛美人玉子 海鮮拼盤帆立貝大粒如波, 大蝦肉質彈牙, 甲羅燒甘香, 生蠔本屬刺身級別, 魷魚大塊唔靱, 沾左牛油好香。 貼示: 自己烘番熱個蒜蓉包, 脆脆好食好多。和牛沙律沙律都用上和牛! 一啖就食得出個肉味同普通牛肉完全唔同! 燒咁多肉要食D菜隔住, 就叫多左個蟹籽沙律。食完頭盤就起勁係QR CODE落單:八爪魚刺身, 燒物: 酸酸地既小菠蘿、QQ既日本小蕃薯、燒三文灸餃、炸物有榴槤炸彈(外表有D似蘿蔔絲酥)、香芋丸 。食得太多肉, 一人一枝清甜果茶去油降膩, 再叫兩個壽喜燒烏冬, 細細碗都幾好味。雪糕類只可每人一個: 叫左大板豆腐雪糕同爸爸極力推介既King”s potong榴槤雪條, 榴槤味濃到好似真榴槤一樣