秋櫻屋 (已結業)

最近 無論係香港 定去左日本既朋友， 都總係post 成座山咁既pancake相出黎。每次見到好想試下究竟係咩口感朋友既生日飯又咁岩簡左踩正日本pancake風既餐廳，令人期待萬分因為平日既關係 香港人緊係少不免OT 一陣, 等緊其他食友黎既我地太肚餓，先唔理三七二十一，叫左少少appetizers先上左個蒜蓉辣雞，入口非常惹味，小妹飲左幾啖水，冇諗過佢咁辣。但熱辣辣，新鮮炸起，真係忍唔住口。再黎就係牛柳粒，冇諗過份量咁多，醬汁濃度剛剛好 意粉同芝士蛋 份量都唔細，幾個人分 都仲可以添食。個蛋滑嫩，芝士汁濃厚都幾飽肚。意粉咬口可以。之後？緊係叫甜品啦!!! 上檯時有塊葉都幾好笑，有少少格格不入， pancake係厚但冇人地成座山個d 咁型 有埋cream 既襯托，又真係好軟熟，最後仲加左杯北海道牛乳雪糕 無得頂，好thick, 奶味濃郁，又滑口。 必叫之選鋪頭平日唔太多人，都係附近居民。一到周末，要排長龍呢