影片
更多
2022-11-23
1033 浏览
又嚟每月一次嘅邊爐聚，今次有人自動請纓，話由佢負責，原來有人早有準備，一早就已經訂左 PopCorn 呢間主打一人火鍋嘅「大將」。餐廳嘅環境好舒服，裝潢雅致，帶木色系自然風，充滿日式氣氛。我哋今次揀左個每位 $428 嘅「日本黑毛和牛套餐」，客人可於 120 分鐘內任食 10 款肉類，另外仲有海鮮拼盤、大量火鍋配料、軟雪糕同窩夫等，全部都可以任食。先選湯底，揀左四季文昌椰子雞湯 (+$10)。雞湯選用了菲律賓 Jax Coco 100% 純椰子水炮製，無添加糖同防腐劑，味道天然，入口非常清甜。文昌雞雞味特濃，食落好嫩滑。肉類有 10 款，分別為日本黑毛和牛、美國三筋肉、和牛肩胛肉、Prime 牛肩肉、特選牛腹肉、阿古豬五花肉片、豬梅肉片、昆布漬雞肉、羊卷肉同一口牛肉粒。黑毛和牛賣相非常靚仔，不但肉色鮮紅，而且滿佈霜降花紋，只須輕燙 10 至 15 秒即可享用，入口爆汁。美國三筋肉十分肥美，而且肉質很獨特，柔軟中帶爽脆，咬下肥滋滋，充滿肉香。和牛肩胛肉味道亦唔錯，肉質軟嫩，油花細緻且分佈均勻，入口滑而不膩。西班牙五花肉片切至厚薄適中，橫切面艷澤美麗，食落爽身又唔嚡口。雞肉水準亦不俗，質地
又嚟每月一次嘅邊爐聚，今次有人自動請纓，話由佢負責，原來有人早有準備，一早就已經訂左 PopCorn 呢間主打一人火鍋嘅「大將」。
餐廳嘅環境好舒服，裝潢雅致，帶木色系自然風，充滿日式氣氛。
我哋今次揀左個每位 $428 嘅「日本黑毛和牛套餐」，客人可於 120 分鐘內任食 10 款肉類，另外仲有海鮮拼盤、大量火鍋配料、軟雪糕同窩夫等，全部都可以任食。
先選湯底，揀左四季文昌椰子雞湯 (+$10)。雞湯選用了菲律賓 Jax Coco 100% 純椰子水炮製，無添加糖同防腐劑，味道天然，入口非常清甜。文昌雞雞味特濃，食落好嫩滑。
肉類有 10 款，分別為日本黑毛和牛、美國三筋肉、和牛肩胛肉、Prime 牛肩肉、特選牛腹肉、阿古豬五花肉片、豬梅肉片、昆布漬雞肉、羊卷肉同一口牛肉粒。
黑毛和牛賣相非常靚仔，不但肉色鮮紅，而且滿佈霜降花紋，只須輕燙 10 至 15 秒即可享用，入口爆汁。
美國三筋肉十分肥美，而且肉質很獨特，柔軟中帶爽脆，咬下肥滋滋，充滿肉香。和牛肩胛肉味道亦唔錯，肉質軟嫩，油花細緻且分佈均勻，入口滑而不膩。
西班牙五花肉片切至厚薄適中，橫切面艷澤美麗，食落爽身又唔嚡口。雞肉水準亦不俗，質地好滑，入口啖啖肉，帶少許昆布香味。
至於其他火鍋配料同飲品就全部放晒喺自助區內，有沙律、小食、各式丸子、蔬菜、瓜類同菇菌等，大可因應自己嘅食量，自行拿取。
不過幾飽都要記得留肚食甜品，餐廳設有自製窩夫機同自助雪糕機，窩夫自製完仲可以唧上扭紋軟雪糕，再自行添加醬料，食完真係超滿足。
张贴
