黑樺牛 (已結業)

呢度火鍋放題$398一位，可以無窮盡咁食日本黑樺和牛😍有多款湯底選擇，揀咗花雕日本薩摩雞藥膳鍋。湯底非常濃味，夠足料。有雞、杞子、紅棗等等。放題送日本直送牡蠣及北海道大元貝、黑樺牧場精選層架。蒸蠔及大元貝都夠新鮮，蠔好大隻，而且好鮮甜！元貝都非常鮮味！小食皮蛋、牛腱、牛柏葉、魚皮帶有少少麻辣香味。炸雞軟骨，香脆有咬口！當然唔少得肉類，多款黑樺牛部位：A5 熊本黑樺和牛牛頸脊、和牛玉子後腰肉、牛肩胛梅花、特上霜降小排，我都叫哂。和牛油脂好靚，好香肉味！我較喜歡牛肩胛梅花肥面不膩。小食揀咁椒鹽炸魚皮卜卜脆，現炸紫菜響鈴好脆。火鍋配料好多，叫咗一部分：魚片頭、炸午餐肉、台灣鴨血、手工鮮蝦雲吞、黑樺韮菜和牛餃子 2件。出邊任飲飲品有茶類、汽水等等。另外甜品仲有冰條。火鍋放題牛肉質素高，配料款式多，抵食。