博多拉麵別天神 (已結業)

叫左別天神套餐同埋蝦味噌套餐，各包一個前菜。最有驚喜係小龍蝦蟹子沙律，附送五塊紫菜，可以包住當壽司食！ 另一款前菜係煎餃，唔會煎到好乾，咬落仲係juicy! 豚骨湯麵湯底濃，有兩塊肉加兩份溏心蛋，麵既質地比較彈牙，同個湯都好夾！至於蝦味噌湯就比較特別，係出面比較少見，有好多櫻花蝦，所以令到個湯底都有好濃既海鮮味！～鋪面唔係好大，但非常日本風，除左有類似日本既售票機之外(要揀完食咩，比左錢，攞埋張飛先比侍應)，仲有bar枱，同埋自助調醬同埋裝水或玄米茶。日本風既同時亦見到牆上面好多本地客人兩年之後既願望，係餐廳其中一個特式，餐廳希望各位到訪客人都願望成真！