博多拉麵別天神 (已結業)

每次搭巴士經過都會見到呢間拉麵店，記得之前成日排長龍，到今時今日都依然係好有名氣。別天神為香港人打氣，推出拉麵全日制學生半價優惠，難怪超多人食。先喺門外購票再入裏面食拉麵，小店位置狹窄，同埋天氣熱令到我越食越熱。別天神套餐 $105，豚骨拉麵加小龍蝦蟹籽沙律。100%豚骨加純水，壓力鍋長時間熬制，超濃白湯，個湯食得出係有用心調味，食完真係唔口渴，果然係冇味精。拉麵唔會太淋比較硬身，上面塊豚肉用火槍燒過，仲有木耳，同一隻糖心蛋，有少少酒味，切開左賣相吸引，不錯的拉麵。小龍蝦蟹籽沙律，要夾落紫菜一齊食，都幾清新。蝦味噌套餐 $115，蝦味噌豚骨湯麵配餃子（四隻），蝦味湯麵限量發售， 好好彩我地食到，蝦味好濃郁，同豚骨湯味道完全不一樣。 呢款就有櫻花蝦、粟米，一樣有糖心蛋。餃子正正常常，冇拉麵咁出色。