平成 (已結業)

呢度附近都係一啲日式餐廳為主 今次都係朋友帶我嚟呢間小店 一嚟到個門口就已經覺得好日本 入到去就真係好似啲日式居酒屋咁樣 而家無得去旅行 真係食左當去左今晚主要同朋友嚟傾心事所以就嗌咗少少食物主要就飲酒*蔥醬燒牛舌粒*炙燒厚切鵝肝芝士蔥蛋餅叫左呢兩款做前菜 牛舌粒燒得非常之香嫩 時間剛剛好 醬汁惹味 咬落去唔太騷 份量多返少少個更讚芝士蛋餅上配有煎香鵝肝 蛋餅濕潤度適中 唔會食起黎乾爭爭 配搭埋鵝肝一齊食 既有鵝肝油脂香味 又有芝士濃郁口感跟住就要咗個牛肉大阪燒 回憶嘅味道 雖然唔係好食到牛肉味但個底煎得好香脆 配埋沙律醬同紫菜 再配搭一啖冰涼嘅啤酒 夠曬邪惡轉頭嘆住店員推介日本酒下嘆埋個鰻魚飯 個酒非常唔錯 我地飲酒都飲到好盡興 個飯已經變得唔重要 不過佢都係好味道 鰻魚夠晒肥美 份量十足