秋田浜燒食堂

营业中

休息中

朋友之前嚟過呢度食 話呢度啲質素幾好 所以帶咗我呢一試 我一入到呢度 已經畀佢嘅裝修 音樂同味道吸引住 令我諗起日本嘅居酒屋磯丸水產 餐廳Menu可散叫/套餐 我同朋友唔想煩 所以叫咗個二人set 個套餐裏面有小食 有燒海鮮 亦有飯同甜品 可以滿足唔同既味蕾 尤其以下野食最為深刻 蝦刺身 呢三隻蝦其實係咁啱餐廳做緊一手捉蝦活動 只要喺去官方專頁讚好 就可以參加 我哋就揀咗幾隻蝦做刺身 新鮮鮮甜大隻多肉 燒鮑魚 鮑魚係大網鮑 而且上枱嘅時候重係新鮮旭下旭下 店員亦會幫你燒埋同擦乾淨 火喉燒得啱啱好 唔會韌得黎仲好爽口鮮甜 燒北寄貝 呢個同樣地火侯控制得好好 而且店員落咗少少菇類同牛油上去 連埋燒起嘅湯汁飲簡直係一流 燒帶子 未燒嘅時候店員已幫手將帶子清潔乾淨切粒 所以食嘅時候都好方便同啖啖肉 同樣地好新鮮 總結嚟講 呢間餐廳都幾有日本風味 店員服務亦好 食物質素亦高 當日入座更加係全場爆滿添 大家如果鍾意食磯燒海鮮可以嚟一試