影片
更多
2021-10-04
52 浏览
今日朋友話帶我慶祝生日，嚟到呢間餐廳，以為佢門口細細，點知入到去原來非常之大，仲好有日式風味，好似去左一個日本角落咁，連餐牌都非常之靚，非常日本當以為只係食環境，估唔到佢啲食物都十分高質素，朋友點左以下食物：八爪魚海帶葛絲沙律入邊有八爪魚配和風汁, 八爪魚絕對唔係普通貨色，軟硬適中，仲有海帶葛絲爽爽的, 甜甜加上醋味,十分開胃, 而且出面日本餐廳好少食到， 第一道餸已經咁有驚喜，讚之後係洋風汁沙律，個貌相確實似意式個啲生牛肉頭盤，不過呢到係魚，是日刺身係池魚、立魚，新鮮有甜味，切成薄薄再搭配由師父自家製醬汁，又係一道令人滿足嘅菜式食日本菜當然要試刺身，揀左刺身拼盤有五款魚生 : 立魚 、油甘魚、 帶子大甜蝦，三文魚，除左新鮮，就係新鮮，質素真係比係商場內其他日本餐廳高一班，正另外要左個牛油果蟹肉青瓜卷，平時食開都係配軟殼蟹，呢度配蟹肉，雖然冇咗炸嘅香口同脆口但就多咗一份蟹肉嘅清新同甜味，感覺輕盈，紫菜同飯同食物嘅比例好啱，飯亦都係較濕潤，唔會係好乾身，好食朋友知我鐘意食鵝肝,呢到嘅鵝肝煎得好有油脂香，入口即溶，又大件又厚身見佢餐廳掛左大個牌寫住關西燒，當然要叫份試下，用上日本小麥粉、
當以為只係食環境，估唔到佢啲食物都十分高質素，朋友點左以下食物：
八爪魚海帶葛絲沙律
入邊有八爪魚配和風汁, 八爪魚絕對唔係普通貨色，軟硬適中，仲有海帶葛絲爽爽的, 甜甜加上醋味,十分開胃, 而且出面日本餐廳好少食到， 第一道餸已經咁有驚喜，讚
之後係洋風汁沙律，個貌相確實似意式個啲生牛肉頭盤，不過呢到係魚，是日刺身係池魚、立魚，新鮮有甜味，切成薄薄再搭配由師父自家製醬汁，又係一道令人滿足嘅菜式
食日本菜當然要試刺身，揀左刺身拼盤有五款魚生 : 立魚 、油甘魚、 帶子大甜蝦，三文魚，除左新鮮，就係新鮮，質素真係比係商場內其他日本餐廳高一班，正
另外要左個牛油果蟹肉青瓜卷，平時食開都係配軟殼蟹，呢度配蟹肉，雖然冇咗炸嘅香口同脆口但就多咗一份蟹肉嘅清新同甜味，感覺輕盈，紫菜同飯同食物嘅比例好啱，飯亦都係較濕潤，唔會係好乾身，好食
朋友知我鐘意食鵝肝,呢到嘅鵝肝煎得好有油脂香，入口即溶，又大件又厚身
見佢餐廳掛左大個牌寫住關西燒，當然要叫份試下，用上日本小麥粉、蝦、椰菜，充滿各種口感配埋惹味嘅醬汁，一路食真係好懷念日本。
最後就要個湯清清地解下膩，成個鍋上熱辣辣，內有唔少材料：大大隻鮮味蠔，蔬菜，蘿蔔，菇，豆腐等等，畫上句完美句號。
店員好詳細介紹食物同有禮貌，又提我地碟熱，讚。
张贴
