金子半之助 (新都會廣場) (已結業)

今次為各位食家介紹的是......江戶前天丼標題表達了我食後感。之前午市經過幾次都排長龍已經好好奇，今日下午時分見倒無人馬上去試下，實在名副其實係值得排隊的! 佢嘅天婦羅炸到好脆但係一啲都唔油膩，後嚟我追加咗一個炸菇同炸紫菜，發現佢好食既秘密係醬汁!因為佢單點天婦羅就醬汁另上，就咁食件食物本身無咩調味，而套餐本身上既時候就已經淋上秘製醬汁啦，美味開胃程度max! 個飯睇落好大，實際上內碗墊高左只得半碗，所以唔會太多。附送漬物亦都好食。整體好出色，相信係日本都屬於需要用心才能找到的出色小店。