平成 (已結業)

近排日日都唔開心，去左尖沙咀依間大受好評的日式餐廳食下好西，令自己開心d。一入到去，見到裝潢好日式居酒屋，有避下世的感覺。我叫左大家都話必試的串燒，泡菜牛肉煎餅，左口魚烏冬，仲有一杯啤酒同巨峰葡萄梳打。 串燒選擇好多，我叫左燒豚皮，雞腎，仲有雞肝同五花腩卷。燒豚皮好大驚喜！因為本身怕肥膩的我竟然食哂。佢好脆，唔好過份油膩，油脂亦都好香，好正，好建議大家點都要叫一串試下。平時少食內藏的我都食哂雞腎同雞肝！又係唔洗點醬都已經夠香。之後有泡菜牛肉煎餅。大阪燒就食得多，加埋泡菜同牛肉算係新嘗試。牛肉好足料，加埋d醬，仲正！完全同出面食的大阪燒唔同，好有日本風味！至於左口魚烏冬亦都係必叫之選。魚味好香好濃，湯底我更加係飲哂！我估係用真魚煲出黎先有咁香濃的魚味。烏冬絕對唔係平價的烏冬，有口感。依個我下次去一定再叫！