京都勝牛 (Tower 535) (已結業)

[ 京都勝牛 ]香港有唔少食炸牛扒/吉列牛嘅餐廳，今次介紹呢間源於日本，係海外都有好多間分店嘅「牛カツ京都勝牛 GYUKATSU Kyoto Katsugyu」。✿ 京都勝牛雙味套餐（翼板&菲力）🥩$198✿ 厚切菲力炸牛扒套餐 🥩$208套餐附有麥飯、椰菜沙律及味噌湯，呢三樣都可以無限續加😍😍呢度嘅招牌吉列牛有翼板&菲力選擇。翼板肉（Chuck Flat）係牛頸與牛下肩嘅交界處，呢個部位嘅牛肩肉係肉質較軟嘅部份；而菲力（Tenderloin）係牛腰內肉位置，都係啲肉質較嫩嘅部位。吉列牛外層金黃酥脆，牛肉肉質鮮嫩而多汁。吉列牛上菜時只有約三分熟，想食熟啲的話可以用燒爐輕輕燒一燒先食。吉列牛套餐配有多種口味嘅醬汁，包括芥末醬油、山椒鹽、招牌牛排醬、咖哩醬&蔥花蘿蔔蓉汁，可以因應個人口味而有唔同嘅配搭。我個人推薦牛排醬😋😋總結🫦坊間有好多吉列牛嘅選擇，呢間我覺得係質素較高嘅一間，好有牛味！😛😛😛啱哂牛魔王👅👅見佢最近開咗荃灣分店，唔洗過海都食到！另外唔食牛嘅朋友唔需要擔心，餐廳除咗吉列牛外，仲有炸豬排&炸海鮮等選擇。餐牌上另有炸物小食、飲品等選擇。✿✿✿✿✿✿✿✿✿✿✿✿✿✿✿✿✿✿✿✿✿