牡蠣酒場 (已結業)

對於如何挑選清酒，我是毫無概念，原本想叫熱清酒暖一暖胃，服務員卻說萬萬不可，原來生蠔刺身配熱酒並非絕配！後來喺佢嘅推介下，叫了一支伯樂星，極易入口！來自日本不同產地嘅生蠔令人花多眼亂，喺服務員細心解釋下，叫咗一打6款嘅生蠔，熊本鏡町、岩手小友、令和之怪物、中津干潟美人、岩手陸前高田、北海道Maruemon，根據服務員教導嘅先後次序嚟食，每隻蠔嘅味道好有特色！其他食物同樣出色，醃帆立貝薄切好鮮味，牛舌串燒完全冇渣，超柔軟。大推天婦羅明太子，至於唐揚魷魚一啲都唔韌！服務員嘅專業推介，令成餐晚飯生色不少呢！