一杯屋 (已結業)

天氣越熱，對日本菜的渴望越強烈，所以當我同閨蜜頂住烈日係條街行咗一日之後，我毫不猶豫拉佢入嚟呢間居酒屋！可能因為比較早，所以好好彩唔使等位。居酒屋唔算大，不過內部格局佈置都還算合理，唔會覺得逼。一坐落嚟我就迫不及待開始睇份Sashimi menu，跟住點咗我至愛的粒貝刺身，朋友話我見到D粒貝好似眼會放光咁，哈哈哈哈...仲要咗鯛魚薄切，原條藍紋鯛魚，服務員話係日本飛機貨，咁肯定要試啦！結果都冇失望，真係幾新鮮！最後閨蜜仲點咗個龍蝦麵豉稻庭烏冬同胡麻菠菜，佢話要均衡一下嚄~呢餐份量嘅話我哋兩個食到都幾飽！仲飲咗支sake！