616牛肉火鍋專門店 (星峰薈) (已結業)

打邊爐就梗係要食牛肉, 616牛肉火鍋就出名提供唔同牛肉部位, 最近仲推出新品信州和牛, 即刻訂咗位嚟試下！

味噌牛腸鍋
牛腸鍋係九州名物, 採用長野縣味噌加入牛腸和大量蔬菜, 湯頭濃郁得嚟又鮮甜！牛腸入口軟滑充滿油香！

特選和牛盛
日本直送信州和牛, 有牛肩胛、牛腹肉和赤身。牛肩胛有牛尾最濃, 赤身煙韌有嚼口, 我就最鍾意牛腹肉油脂甘香, 嫩滑細緻好似食緊拖羅刺身咁！

澳洲五花趾
點特選和牛盛附送, 口感爽脆彈牙, 醮616秘製牛肉汁就啱曬！

牛肉餃
每次嚟都會點選, 皮薄餡靚, 一口咬落去好多肉汁！如果嗜辣, 仲可以試下麻辣牛肉餃！