Crispy Curry Pan (已結業)

Apm 2樓既Food Fiesta而家有間Crispy Curry Pan炸咖喱包香港Pop Up店。哩到既咖喱包由日本直送，係日本既味道🇯🇵而且即叫即炸，拎上手仲係熱辣辣～✨咖喱包有兩款口味，分別係👇🏻🥖牛肉咖喱🥖牛油咖哩雞兩款咖喱包都係長條型，炸皮薄，咬落去非常酥脆，內裏既麵包香軟，咖喱雞嗰款面頭會再多少少芝麻。咖喱包內係滿滿既餡料，牛肉咖喱味道較濃，入面係已經熬煮成蓉既牛肉同蔬果，質感濃稠一啲，較為惹味微辣；牛油咖哩雞一入口係類似印度咖哩個種香料味，餡料加入腰果、椰奶以及兩種蕃茄熬製而成，較有口感。兩款咖哩包都各有特色，鍾意食咖哩或者掛住日本麵包味道既人，可以去apm 2樓既Food Fiesta試下～